- ಅನ್ನಪೂರ್ಣಿಮ. ಜೆ.ಎಂ - ಏಳನೇ ತರಗತಿ
ಅಲೆದು ಅಲೆದು ಸುಸ್ತಾಗಿದ್ದಾರೆ
ಆದರೆ ಸಿಗುತ್ತಿಲ್ಲ ಎಲ್ಲೂ ನೆಲೆ
ಅತ್ತು ಕರೆದು ಗೋಗರೆಯುತ್ತಾರೆ
ನೀಡುತ್ತಿಲ್ಲ ಕಣ್ಣೀರಿಗೂ ಬೆಲೆ
ಹುಡುಕುವರು ಇಲ್ಲಿ ಕಾಣದ ಯಾವುದೋ ವಸ್ತುವನ್ನು
ಪರಿಗಣಿಸರು ಇವರಿಗಾಗುವ ಬೇನೆ
ಅಲೆಮಾರಿಗಳಲ್ಲ ಇವರು ಆದರೂ ಅಲೆಯುತ್ತಾರೆ
ಭಿಕ್ಷುಕರೇನಲ್ಲ ಇವರು ಆದರೂ ಬೇಡುತ್ತಾರೆ
ಇವರಿಗೆ ಹಸಿವು ಬಾಯಾರಿಕೆಯ ಪರಿವಿಲ್ಲ
ರಾತ್ರಿ ಹಗಲೆಂಬುದರ ಅರಿವೇ ಇಲ್ಲ
ಎತ್ತಲೋ ನಡೆಯುತ್ತಾರೆ ಎಲ್ಲಿಗೋ ದೃಷ್ಟಿ ನೆಟ್ಟು
ಮಾರ್ನುಡಿಯಲ್ಲಿ ಹಿಡಿದು ಎಳೆದರೂ ಜುಟ್ಟು
ಎತ್ತಲೋ ದೂರ ಹಾರಿದೆ ಇವರ
ನೆಮ್ಮದಿ ಶಾಂತಿಯ ಆ ಪಕ್ಷಿ
ಮೊರೆಯಿಡುತ್ತಾರೆ ಕೋರಿ ದೇವರ
ನಮ್ಮ ವೇದನೆಗೆ ನೀನೇ ಸಾಕ್ಷಿ
ಇನ್ನೂ ಅರಸುತ್ತಲೇ ಇದ್ದಾರೆ
ಕಳೆದ ವಸ್ತುವೊಂದನ್ನು ಹುಡುಕುವಂತೆ
ಮತ್ತೂ ಕಾತರಿಸುತ್ತಲೇ ಇದ್ದಾರೆ
ಸುರಂಗದ ಕೊನೆಯ ಬೆಳಕನ್ನು ಕಾಣುವಂತೆ
No comments:
Post a Comment